+- The Catacombs (https://thecatacombs.org)
+-- Forum: Repository (https://thecatacombs.org/forumdisplay.php?fid=10)
+--- Forum: Catholic Hymns (https://thecatacombs.org/forumdisplay.php?fid=66)
+---- Forum: Christmas (https://thecatacombs.org/forumdisplay.php?fid=86)
+---- Thread: Christmas Hymn - Puer Natus in Bethlehem (/showthread.php?tid=555)
Christmas Hymn - Puer Natus in Bethlehem - Stone - 12-20-2020
Latin Text
Puer natus in Bethlehem, Alleluia
Unde gaudet Jerusalem, Alleluia Alleluia.
Refrain: In cordis jubilo, Christum natum adoremus Cum novo cantico. Hic jacet in præsepio, Alleluia.
Qui regnat sine termino. Alleluia, Alleluia.
Refrain: In cordis jubilo, Christum natum adoremus Cum novo cantico.
Cognovit bos et asinus, Alleluia.
Quod puer erat Dominus. Alleluia, Alleluia.
Refrain: In cordis jubilo, Christum natum adoremus Cum novo cantico.
Reges de Sabâ veniunt, Alleluia.
Aurum, thus, myrrham offerunt. Alleluia, Alleluia.
Refrain: In cordis jubilo, Christum natum adoremus Cum novo cantico.
Intrantes domum invicem, Alleluia.
Novum salutant principem. Alleluia, Alleluia.
Refrain: In cordis jubilo, Christum natum adoremus Cum novo cantico.
De matre natus virgine, Alleluia.
Sine virili semine; Alleluia, Alleluia.
Refrain: In cordis jubilo, Christum natum adoremus Cum novo cantico.
Sine serpentis vulnere, Alleluia.
De nostro venit sanguine; Alleluia, Alleluia.
Refrain: In cordis jubilo, Christum natum adoremus Cum novo cantico.
In carne nobis similis, Alleluia.
Peccato sed dissimilis; Alleluia, Alleluia.
Refrain: In cordis jubilo, Christum natum adoremus Cum novo cantico.
Ut redderet nos homines, Alleluia.
Deo et sibi similes. Alleluia, Alleluia.
Refrain: In cordis jubilo, Christum natum adoremus Cum novo cantico.
In hoc natali gaudio, Alleluia.
Benedicamus Domino: Alleluia, Alleluia.
Refrain: In cordis jubilo, Christum natum adoremus Cum novo cantico.
Laudetur sancta Trinitas, Alleluia.
Deo dicamus gratias. Alleluia, Alleluia.
Refrain: In cordis jubilo, Christum natum adoremus Cum novo cantico.